Avani and the Magical Pea Plant: How a Tiny Pea Became a Garden Surprise
অৱনী আৰু মটৰমাহৰ গছজোপা
এদিন অৱনীয়ে পাকঘৰৰ টেবুলত বহি মাকে ৰন্ধা-বঢ়া কৰি থকা চাই আছিল ।
Thank you for reading this post, don't forget to subscribe!মাকে ৰান্ধিবৰ কাৰণে কুকাৰটো ঠিক কৰি আছিল ।
“অৱনী, মটৰখিনি আনি দিয়াচোন,” মাকে ক‘লে ।
অৱনীয়ে শুকান মটৰৰ চৰিয়াটো টেবুলৰ পৰা মাকক আনি দিলে ।
এটা মটৰ চৰিয়াটোৰ পৰা পৰি গ‘ল । অৱনী আৰু মাকে নেদেখিলে !
মটৰটো টেবুলত পৰি তাৰপৰা চিটিকি গৈ মজিয়াত … আৰু
গৈ টেবুলৰ তল পালেগৈ ।
চিকি নামৰ মেকুৰীজনীয়ে মটৰটো পালে ।
তাই মটৰটো ঠেলি দিলে ।
হাতেৰে লৰায়ো চালে ।
এইবাৰ চেলেকিবলৈ চেষ্টা কৰিলে ।
মটৰটো বাগৰি গৈ পাকঘৰৰ দুৱাৰখনৰ ওচৰ পালেগৈ ।
চিকিয়ে আকৌ ঠেলি দিলে ।
ই বাগৰি গৈ বাগিছাত পৰিলগৈ ।
মইনা চৰাই এটাই মটৰৰ
গুটিটো দেখিলে ।
তাই ঠোঁটেৰে ইয়াক খুঁটিয়াই চালে ।
কিন্তু ই বৰ টান আছিল ।
তাই আকৌ এবাৰ খুঁটিয়ালে । এইবাৰ মটৰ গুটিটো
চিটিকি গৈ বিলাহী গছ
এজোপাৰ তলত পৰিলগৈ ।
কেঁচু এটাই মাটিৰ তলৰ পৰা ভুমুকিয়াই চালে । সি মটৰটোৰ ফালে চাই ইয়াত আকৰ্ষণীয় একো নেদেখিলে । সি আকৌ মাটিৰ তললৈ সোমাই গ‘ল ।
কিছু দিন পাৰ হ‘ল
বৰষুণ আহিল ।
মটৰৰ গুটিটো পানীত ভিজি গ‘ল ।
পানীত ভিজি ই অলপ ফুলি উঠিল ।
আৰু অলপ ফুলিল ।
ইয়াৰ এটা মুকুট আৰু এডাল নেজ গজি উঠিল ।
মুকুটটো মাটিৰ ওপৰলৈ উঠি আহি সূৰ্যৰ কিৰণ বিচাৰিলে ।
ই অলপ ওখ হ‘ল… আৰু ওখ … আৰু ওখ !
অৱনীয়ে এদিন বাগিছাত খেলি থাকোতে সেইটো দেখা পালে ।
“মা ! চোৱাহিচোন !” তাই মাকক মাতিলে ।
মাকে ক‘লে,”এইজোপা মটৰ গছ !”
সিহঁত দুয়ো মটৰৰ গছ জোপালৈ চালে আৰু দুয়ো আচৰিত হ‘ল ।
মাকে তাইক সুধিলে, এই জোপা তুমি ৰুইছিলা নেকি ?
অৱনীয়ে সুধিলে,”নাই মা, তুমি ৰোৱা নাছিলা জানো ?”
তোমালোকেও এবাৰ চেষ্টাা কৰাচোন !
১। সৰু পাত্র এটাত মাটি দি তাত এটা গুটি পুতি দিয়া ।
পাত্রটোত সদায় পানী দিবা ।
২। পাত্রটো ৰ‘দ নপৰা আন্ধাৰ আৰু ঠাণ্ডা ঠাইত থ‘লে
গজালি ওলাব নে ?
৩। বিভিন্ন গজালি ওলোৱা মাহ আৰু গুটি স্বাস্থ্যৰ কাৰণে বৰ ভাল ।
৪। তোমালোকে গজালি ওলোৱা কি খাবলৈ ভাল পোৱা ?
